Edebiyata Kurdî ya Gelêrî I (Dîrok-Teorî-Rêbaz- Lîteratur-Berawirdî) - Ramazan PERTEV (Editör)

Xebatên edebiyata gelêrî, di nav xebatên kurdî de beşa ku herî zêde di pêş de ne. Lê mixabin hema hema ev xebat hemû li ser berhevkariyê ne. Kêm xebat hene ku ji aliyê teorîk ve edebiyata gelêrî ya kurdî nirxandine. Ev ji bo xebatên zanistî kêmasiyek mezin e û pêdiviya xebatên teorîk roj bi roj zêde dibe. Bi taybetî piştî ku li bakurê Kurdistanê enstîtuyên ziman, çand û edebiyata kurdî vebûn, pêdiviya pirtûkên teorîk bêhtir xwe daye xuyakirin. Xebata ku Ramazan Pertev edîtoriya wê kiriye, Edebiyata Kurdî ya Gelêrî I (Dîrok-Teorî- Rêbaz-Lîteratur-Berawirdî), yek ji xebatên ewil e ku ji aliyê teorîk ve edebiyata kurdî nirxandiye.