SULFIDLI KOLLEKTIV BOYITMANI SUV BUG’I BILAN ISHLOV BERIB, GIDROMETALLURGIK QAYTA ISHLASHGA TAYYORLASH

Dunyo amaliyotida sulfidli polimetall Zn-Pb-Cu li va Zn-Pb li rudalarni flotatsiya usulida boyitish ancha keng tarqalgan. Bunda rudani dastlab kollektiv so'ngra selektiv flotatsiyalab, Zn, Pb va Cu boyitmalari olinadi. Keyinchalik bu boyitmalar tarkibidan metallar turli usullar (gidrometallurgik, pirometallurgik) bilan ajratib olinadi. Quyidagi maqolada sulfidli kollektiv boyitmalarni qizdirilgan suv bug'i ishtirokida termik ishlov berish orqali gidrometallurgik qayta ishlashga tayyorlash haqida ma'lumotlar keltirilgan. Bundan ko'zlangan asosiy maqsad xomashyoni kompleks qayta ishlash bo'lib, shuningdek bir qancha qimmatbaho metallarni to'liq ajratib olish texnologiyasini yaratish hisoblanadi.