ОЛИЙ ЎҚУВ ЮРТИДА ТАЛАБАЛАР ТАРБИЯСИНИ ТАШКИЛ ҚИЛИШНИНГ ИЛМИЙ-ПЕДАГОГИК АСОСЛАРИ

Мамлакатимизда ёшларни маънавий-ахлоқий, таълим-тарбия бериш тизимини сифат жиҳатидан янги босқичга кўтариш, ёшларнинг бўш вақтини мазмунли ташкил этиш борасида олиб борилган ислоҳотлар натижасида талабалар ўртасида халқимиз маънавияти, миллий қадриятларини тарғиботи учун зарур шарт-шароитлар яратилиб, уларни тарбиялашнинг педагогик имкониятлари, технологияларидан самарали фойдаланиш зарурати юзага келмоқда. Ўзбекистон Республикасини янада ривожлантириш бўйича “Ҳаракатлар стратегияси”да “руҳан ва ақлан ривожланган, мустақил фикрлайдиган, Ватанга содиқ, қатъий ҳаётий нуқтаи назарга эга ёшларни тарбиялаш”нинг1 устувор вазифалари белгиланиб, бу борада талабаларни тарбиялаш жараёнини такомиллаштириш муҳим аҳамият касб этади.