“QUTADG’U BILIG” - IKKI JAHONNI TUTISHGA OCHUVCHI YO’L

O'zbekiston Respublikasi Prezidenti Shavkat Mirziyoyev 19-sentabr kuni Birlashgan Millatlar tashkiloti Bosh assambleyasining 72-sessiyasida so'zlagan nutqida: “Biz butun jahon jamoatchiligiga islom dinining asl insonparvarlik mohiyatini yetkazishni eng muhim vazifa deb hisoblaymiz” deya ta'kidlaydi hamda “Ma'rifat va diniy bag'rikenglik” deb nomlangan maxsus rezolyutsiyasini qabul qilish taklifi bilan murojaat qiladi. Ushbu nutqida O'zbekiston – buyuk mutafakkirlarni dunyoga keltirgan tabarruk zamin ekanligini, tarixga nazar solsak, barcha davrlarda ham mutafakkirlar o'z progressiv g'oyalari bilan to'g'ri yo'lni ko'rsatib berganliklarini alohida eslatib o'tadi.