Бобурнинг табиатшуносликка оид қарашлари

Инсониятнинг шаклланиши ва ривожланишининг бутун тарихи табиий муҳит билан ўзаро чамбарчас боғлиқда ўтган. Бу маълумотларни тушуниш инсон онгининг шаклланишида муҳим роль ўйнаган. Қадимги одамнинг атроф-муҳит ҳақидаги фаҳмлаши илмий характерда бўлмаган ва доимо англаб етилмаган, аммо вақт ўтиши билан айнан улар экологик билимлар тўпланишида манба бўлиб хизмат қилади. Бизга кўплаб эски ёзма манбаларда ҳайвон ва ўсимликларнинг турли номлари тилга олиниб қолмасдан, уларнинг ҳаёт фаолияти ҳақидаги батафсил маълумотлар хабар қилинади. Шу билан бирга бу китобларда катта эътибор атроф муҳит тозалигига қаратилади.