Nafas olish tizimi sili bilan kasallangan bemorlarga stomatologik yordam ko’rsatishning ahamiyati

Nafas olish tizimi sili bilan kasallangan bemorlarda odontogen o'choqning bo'lishi kasallik jarayonining o'ziga xos intoksikasiya alomatlari, qondagi o'zgarishlar, o'pkaning yemirilishi, immunoglobulinlar va immunitet tarkibiy qismlarining o'zgarishi bilan ajralib turadi. Ishning maqsadi sil kasalligi bo'lgan bemorlarda tish kariyesining oldini olish va davolash samaradorligini oshirishdan iborat edi. Nafas olish tizimi bilan kasallangan bemorlarni davolashda stomatologik yordam ko'rsatish o'ziga xos xususiyatlarga ega bo'lib, bu sil kasalliging kechish jarayoniga, tarqalish darajasiga bog'liq bo'ladi. Silga qarshi kurashish dispanserida davolanayotgan bemorlar nafaqat silga qarshi kimyoviy terapiya, balki stomatolog ko'rigidan o'tib stomatologik yordam olishi kerakligi aniqlandi. Davolovchi shifokorlar stomatologlar bilan hamkorlikda o'pka sili bilan kasallangan bemorlarning butun organizmini davolashi kerak.