Геморрагик диатезлар билан касалланган аёлларда тухумдон апоплексияси асоратини даволаш тамойиллари

Ҳозирги замон тиббиётида геморрагик диатезлар жуда тез сурьатда ўсиб бормоқда. Айниқса, тобора зарарланиб бораётган экологик муҳит, озиқ-овқатларнинг ва замонавий турмуш тарзининг суньийлашиши - буларнинг барчаси иммунитет тизимини издан чиқарилишига ва натижада инсон танаси ўз ҳужайраларини танимай қолиши ва уларга қарши антитаналар ишлаб чиқаришига олиб келади. Аёлларнинг репродуктив саломатлигининг бузилишга олиб келиши мумкин бўлган сабаблар орасида жарроҳлик даволашни талаб қиладиган гинекологик касалликлар алоҳида ўрин тутади. Тухумдон апоплексияси қорин бўшлиғида қон кетиши этиологик омил сифатида эктопик ҳомиладорликдан кейин иккинчи ўринни эгаллайди ва ўтган ўн йилликлар давомида мавжуд диагностик ва даволашнинг юқори технологияли усулларни қўлланилишига қарамай, учраш частотаси бир неча маротабагача ошиб бормоқда.