Yosh navqiron Navoiy siymosi aktyorlar nazarida

Yosh Navoiyda navqiron tuyg‘ulari jо‘shqin, harakatlari aniq va mulohazali bо‘lib, bu nutqining musiqiyligida va tabiatining shoironaligida sezilib turadi. She'rni yonib о‘qish va sevgida bosiqlik holatlari ham yaxshi berilgan. Birinchi kо‘rinishning о‘zida Navoiy - B.Muhammadkarimov turli kayfiyatlarda kо‘rinadi: Guli bilan uchrashuv paytida Navoiyning Guliga bо‘lgan cheksiz muhabbati, sevgilisi yomon tush kо‘rganini aytib bezovtalanganda, unga bildirgan mehribonchiligi, ustozi Abdurahmon Jomiyga kо‘rsatgan iltifotlari, shahanshoh Husayn Boyqaroni kutib olishi va uning shubhalarini bartaraf etib, haqiqatni rо‘yobga chiqarish yо‘lidagi hayajon va iztiroblari - barchasi tegishli holatlarda va shunga mos nutqida о‘z aksini topgan. Navoiy - B.Muhammadkarimov sahnadagi har bir vaziyatga qarab о‘zgarib boradi. Aktyor Navoiyning yoshlik damlarini ijro etar ekan, о‘zining tabiatdagi yoshlik zavqini Navoiyning yoshligidagi shoironalik zavqiga tо‘lgan damlari bilan bog‘lashga harakat qilgan.