Maktabgacha yoshdagi bolalarda ijtimoiy intellektni shakllantirishning amaliyotdagi mavjud holati

Maktabgacha yoshdagi bolalar tafakkurining rivojlanishini bolalarning ruhiy salomatligi, bilish faolligida ko'rishimiz mumkin. Bolaning qiziquvchanligi asosan uning atrofidagi dunyoni bilishga qaratilgan. O'yin davomida bola dunyo sirlarini o'rganishga harakat qiladi. Bolaning aql-zakovati qanchalik keng bo'lsa, u shunchalik ko'p savollar beradi va bu savollar asosan xilma-xildir. Bola qanday qor va yomg'ir yog'ishi, tunda quyosh qayerda bo'lishi, mashina qanday harakatlanishi va yerdan osmongacha qanchalik uzoq ekanligiga juda qiziqadi.