БЕРДАҚ НОМИДАГИ ҚОРАҚАЛПОҚ ДАВЛАТ МУСИҚАЛИ ТЕАТРИДА МУСИҚАЛИ АСАРЛАР САХНАЛАШТИРИЛИШ АҲАМИЯТИ

Мусиқали драма синтетик санъат сифатида сўз, мусиқа, чолғу асбоблари, вокал, хореография, актёрлик, рассомлик санъати, архитектура ва бошқалардан иборатдир. Уларнинг ҳар бири ўз моҳиятига кўра аҳамиятли бўлиб, мустақил равишда ўзининг ифодали тилига, образли тизимига эга. Шу билан бирга улар жанр талабига кўра бир-бири билан уйғунлашиб кетади ҳамда яхлит драматик материалга узвий равишда бирикиб, асарнинг асосий бадиий ғоясини томошабинга етказишдек умумий мақсадга хизмат қилади. Шунингдек, барча мустақил санъатлар ёрдамида спектаклнинг яхлит бадиий образи яратилади.