АКТЁР ИЖРОСИДА САҲНА ЛИБОСЛАРИНИНГ ЎРНИ

Саҳнавий либос деганда, аввало нимани тушунмоқ керак? “Театр либоси (кастюми) томошабин ва актёрга бўлаётган воқеа ва даврни тушунишга, унинг руҳига сингришига ёрдамлашувчи, муаллиф ғоясини очиб берувчи кийим, парик ва гримдир”. Либослар рассоми тайёр айтилган кийимни тикувчи эмас, образни, даврни ҳис этиб, қиёфа қиёфа яратадиган мутахассис, ижодкордир.Саҳнавий либоси ҳам театрларнинг ижодий йўналишларига кўра фарқланади. Масалан, болалар театри, қўғирчоқ театри актёрлари учун яратиладиган либослар эртакнамо ҳамда ёрқин рангларда бўлади. Катталар театрида эса ҳар бир спектаклда, ҳар бир персонажларнинг турмуш тарзи ва замонидан келиб чиқиб либос тикилади. Айниқса, тарихий жанрдаги спектакллар ва жаҳон драматургияси асосида яратиадиган спектаклларда либос етакчи омиллардан бирига айланади.