G’arbiy toshli konining geologiyasi va kondagi quduqlar haqida umumiy ma’lumot

Uzoq muddatdan beri ishlatilayotgan konlar misolida o‘tkazilgan tadqiqotlar shuni ko‘rsatdiki, tasdiqlangan zahiralarni aniqlik darajasi talabga javob bermaydi. Bunga keyingi yillarda ochilayotgan konlarning geologik tuzilishini murakkabligi, kollektorlarning turliligiga va ko‘p hollarda zahiralarni murakkab olinadigan toifada bo‘lishi katta ta’sir ko‘rsatmoqda. Yuqoridagilarni hisobga olgan holda hozirgi vaqtda Buxoro-Xiva hududiga tegishli bo‘lgan G‘arbiy Toshli konida Loyiha quduqlarini joylashtirish rejasi va uyumning yangi genetik tasnifini tuzish keyingi izlov qidiruv ishlarini olib borishda katta ahamiyatga egadir. Aniqrog’i neft qazib chiqarishning ortishi, ishlatilayotgan konlardan olinishi mumkin bo‘lgan neft zahiralarini kamayishiga olib keladi. Bu esa yangi neft konlarini izlashni, ishlatishga tushirishni, ishlatilayotgan konlardan esa samarali foydalanishni talab etadi.