USTOZ SOZANDALAR IJROCHILIK USLUBINING BARDAVOMLIGI (G‘IJJAK CHOLG‘USI MISOLIDA)

G‘ijjak cholg‘usi ijrochiligi o‘zbek milliy musiqa san’atida alohida qadrlanadi. Chunki bu yo‘nalishda ijod qilgan ko‘plab ustoz sozandalar bo‘lgan va ularning deyarli har biri o‘ziga xos ijrochilik uslubini yaratgan. Ular o‘zining ijrosi, yaratgan asarlari bilan o‘zbek milliy musiqasini yanada boyitganlar. Bugungi kunda bu ustozlar tomonidan yaratilgan ijrochilik uslublarining ayrimlari unutilish xavfiga. Ularni qayta tiklash, kelajak avlodga yetkazib berish esa bugungi kunda dolzarb vazifalardan biri sanaladi. Ushbu maqolada ustoz san’atkorlarning ijrochilik uslublarini g‘ijjak cholg‘usi ijrochiligi yo‘nalishida tahsil olayotgan o‘quvchilar va talabalarga yetkazish haqida ma’lumotlar keltirilgan.