ЭСТРАДА САНЪАТИДА МАҚОМ ОҲАНГЛАРИ

Замонавий Ўзбек эстрадаси оламида тингловчилар эътиборига тақдим этилаётган бир қанча янги асарлар бугунги кунда турли фикрларга сабаб бўлмоқда. Эстрада қўшиқларини миллийлаштириш масаласи бир неча йиллардан бери ўз долзарблигини йўқотмай келмоқда. Чунки, келажагимиз саналган ёш авлоднинг энг кўп мурожаат этадигани ҳам айнан замонавий эстрада санъати бўлиб, уларнинг қалбида Ватанга муҳаббат, инсонийлик, миллий қадриятларга хурмат ва эътибор каби туйғуларни шакллантиришда бу санъатнинг хизматидан фойдаланишимиз мумкин. Аммо афсуски, ушбу санъат оламида турли бахс ва мунозаларга сабаб бўлувчи ҳолатлар учраб турибди. Ана шундай маслалардан бири мақом ва хозирги замон Ўзбек эстрадасининг ўзаро боғлиқлигидир.