КURSANTLARNING MUSTAQIL TA’LIMINI TASHKIL ETISHDA TARJIMANING AHAMIYATI

Kursantlarning mustaqil ta'limini tashkil etishda tarjima va mashqlar tizimiga alohida ahamiyat beriladi. Talaba/kursantlarda mustaqil ta'lim ko‘nikmalarni shakllantirish, tashkilotchilik qobiliyatlarini shakllantirish, kredit-modul tizimi, mustaqil ishni tashkil etish bo‘yicha mamlakatimiz va ayrim hamdo‘stlik mamlakatlar tadqiqotchilari uzluksiz ta'limning maktab va oliy ta'lim tizimi nazariyasiga oid, mustaqil faoliyatni chet til materiali asosida o‘rgatish tajribasiga oid qator ilmiy izlanishlar olib borishgan. Chet tillar ta'limida tarjimani o‘rgatish alohida mashqlar bajarishni talab etadi. Bu mashqlar xususiyatiga ko‘ra tarjima va tarjimasiz mashqlar sifatida talqin etiladi. “Tarjima” so‘zining chet til o‘qitish metodikasidagi terminologik ma'nosi doirasi “tarjima metodi”, “tarjima mashqi”, “tarjima usuli” kabi birikmalarda ifodalanadi. Zero, chet tilni nutq faoliyati sifatida o‘rgatish/o‘rganish jarayonida vaqti-vaqti bilan tarjimaga murojaat qilish zaruriyati chet til o‘qitish metodikasida mufassal bayon etilgan. Ta'kidlab o‘tilgan mashqlar tizimi va tarjimadan mustaqil ta'limni tashkil etishda o‘z o‘rnida foydalaniladi