Ijtimoiy himoyaga muhtoj bo‘lgan xotin-qizlarning bandligini ta’minlash va turmush farovonligini oshirish masalalari

O‘zbekistonda yashovchi ijtimoiy himoyaga muhtoj bo‘lgan xotin-qizlarni bandligini ta’minlash, ularning turli soha va tarmoqlarda o‘z qobiliyatlarini namoyish etishda shart-sharoit yaratish, ayollarning jamiyat hayotida tutgan rolini oshirish, onalik va bolalikni har tomonlama himoya qilish hamda qo‘llab-quvvatlash, shuningdek eng asosiysi ularning haq-huquqlarini paymon bo‘lmasligi uchun keng ko‘lamli ishlar amalga oshirilmoqda. Shuningdek, ijtimoiy yordamga muhtoj bo‘lgan xotin-qizlarni bo‘sh ish joylari bilan ta’minlash, ularning qobiliyatlarini yuzaga chiqarish va shu orqali turmush tarzini yaxshilashga imkoniyat yaratib berish, hozirgi kunda qiynayotgan dolzarb masalalardan biridir. Bunday ayollarni har tomonlama qo‘llab-quvvatlash maqsadida bir qancha qarorlar va dasturlar ishlab chiqilgan hamda qator takliflar keltirilgan.