HOJI ABDULAZIZ ABDURASULOVNING BASTAKORLIK IJODI

O‘zbek bastakorlik san’atining yorqin, yirik namoyandasi, betakror dovudiy ovoz sohibi, xonanda va moxir sozanda, mumtoz yo‘nalishda bir necha asarlarni yaratgan buyuk bastakor, Hoji Abdulaziz Abdurasulov XIX asr ikkinchi yarmi - XX asr boshida yashab ijod etgan. Hoji Abdulaziz Abdurasulov 1852-yilda Samarqandda ziyoli oilada tavallud topgan. U yoshligidan samarqandlik mashxur usta tanburchi Hoji Rahimberdidan ilk musiqa saboqlarini oladi, uning qo‘lida tarbiyalanadi. O‘zbek musiqa san’atidagi xalq yo‘llari, ayniqsa, mumtoz musiqa me’rosimiz bo‘lmish «Shashmaqom» tarkibidagi cholg‘u va ashula ijrosi yo‘llarini qunt va maxorat bilan o‘zlashtirib, asta sekin ijodiy barkamollikka yetisha boshlaydi.