Akademik vokal san’atida milliy ohangdorlik: Sharq va G‘arb vokal maktablari sintezi asosida ijro texnikasini shakllantirish

Mazkur maqolada akademik vokal san’atida milliy ohangdorlikni shakllantirishning nazariy va amaliy jihatlari tahlil qilinadi. Xususan, Sharq va G‘arb vokal maktablarining uslubiy xususiyatlari, nafas olish, rezonans, artikulyatsiya, tembr nazorati va ifoda vositalarining o‘ziga xos jihatlari o‘rganiladi. Maqolada ikki maktabning vokal texnikasi va musiqiy estetikasi o‘rtasidagi o‘zaro uyg‘unlik nuqtalari aniqlanib, milliy vokal maktab asosida ijrochilik madaniyatini shakllantirish bo‘yicha metodik tavsiyalar beriladi. Vokal ijroda milliy ohangdorlikni saqlagan holda akademik talablar asosida shakllantirish orqali o‘quvchi va ijrochilarda musiqa madaniyatiga chuqur yondashuv rivojlantiriladi. Shu orqali vokal san’atining xalqona ifodasi bilan xalqaro vokal ijrochilik mezonlari uyg‘unlashtiriladi.