MIRZO ULUG‘BEK DAVRIDA MOVAROUNNAHRDA YER-SUV ISLOHOTLARI VA ULARNING IQTISODIY AHAMIYATI

Mazkur maqolada XV asrda Movarounnahrda Mirzo Ulug‘bek hukmronligi davrida amalga oshirilgan yer-suv islohotlari va ularning mamlakat iqtisodiy hayotidagi o‘rni tahlil etilgan. Mirzo Ulug‘bekning siyosiy va iqtisodiy faoliyati o‘zaro uyg‘unlikda olib borilgani, sug‘orish tizimining tiklanishi, yangi yerlarning o‘zlashtirilishi va qishloq xo‘jaligi infratuzilmasining rivojlanishi ko‘rsatib berilgan. Maqolada, shuningdek, yer egaligi shakllari, suyurg‘ol va tarxon tizimining saqlanishi, dehqonlar va muzoriylarning ijtimoiy-iqtisodiy o‘rni yoritilgan. Soliq tizimining adolatli tashkil etilgani, xiroj, ushr, zakon kabi soliq turlari va begor mehnat majburiyatlari haqida ilmiy tahlil berilgan. Mirzo Ulug‘bekning tangalar islohoti va uning savdo-iqtisodiy aloqalarni rivojlantirishdagi roli ham o‘rganilgan. Umuman, maqolada Mirzo Ulug‘bek davrida agrar va iqtisodiy siyosatning Movarounnahr barqarorligi va farovonligidagi o‘rni tarixiy manbalar asosida chuqur yoritib berilgan.