O‘ZBEK VA ARAB TILLARI KONTEKSTIDA TIL O‘RGANISH JARAYONINING LINGVISTIK VA METODIK MUAMMOLARI

Ushbu maqolada o‘zbek tilida so‘zlashuvchi auditoriya uchun arab tilini o‘rganish jarayonida uchraydigan lingvistik va metodik muammolar tahlil qilinadi. Arab va o‘zbek tillarining fonetik, morfologik, sintaktik va leksik tizimlari o‘rtasidagi tafovutlar aniqlanib, ularning til o‘rganish samaradorligiga ta'siri yoritiladi. Mavjud o‘quv-uslubiy materiallarning moslashtirilmaganligi, talaffuzdagi murakkab tovushlar, so‘z yasalish tizimidagi farqlar hamda dars jarayonida madaniy komponentlarning yetarli darajada e'tiborga olinmasligi asosiy muammo sifatida ko‘rsatilgan. Tadqiqot davomida lingvodidaktik va qiyosiy-lingvistik tahlil usullari asosida til o‘rgatish samaradorligini oshirishga xizmat qiluvchi tavsiyalar ishlab chiqildi. Shuningdek, zamonaviy texnologiyalar asosidagi metodik yondashuvlarning roli baholandi.