NUTQIY ETIKЕTLARNING TARJIMALARDA BЕRILISHI VA ULARNING TALQINI

Ushbu maqolada nutq madaniyatida tildan foydalanish qoidalarini amaliy qo‘llay olish, talaffuz va urg‘u talablariga rioya qilgan holda, so‘z birikmasi, jumla yoki gaplar tuzishning me'yoriy imkoniyatlari hamda chegaralarini bilishni talab etilishi xaqida fikrlar bayon etilgan. Nutq madaniyatida asosiy e'tibor nutqning aniqligi, sofligi, mantiqiyligi, ifodaliligi, ta'sirchanligiga qaratilgan bo‘ladi. Garchi bu sifatlar nutqiy etiket uchun ham ahamiyatli bo‘lsa-da, uning birliklari takrorlanuvchanligi, bir zayldaligi va barqarorligi bilan ajralib turadi. Nutq madaniyati lisoniy bilim va malakalar yig‘indisi bo‘lsa, nutqiy etiket ma'lum millat vakillari nutqida atrof-muhit, muayyan shartsharoitlar, turli urf-odatlar ta'sirida yuzaga kelgan ifoda shakllaridan iborat bo‘ladi.