Ko‘p o‘lchovli massiv funksiyalarining xususiyatlari va ularning algoritmlar va amaliy modellar yaratishda roli

Maqolada ko‘p o‘lchovli massiv funksiyalarining nazariy asoslari, ularning matematik va analitik xususiyatlari, funksiyalarning algoritmik jarayonlar hamda amaliy modellar yaratishdagi o‘rni keng yoritilgan. Ko‘p o‘lchovli massivlar (multidimensional arrays) hisoblash tizimlarida ma’lumotlarni ifodalashning eng qulay, strukturaviy barqaror shakli sifatida turli algoritmlar, xususan raqamli analiz, kompyuter grafika, sun’iy intellekt, optimizatsiya va matematik modellashtirishning asosiy elementi hisoblanadi. Maqolada ko‘p o‘lchovli massiv funksiyalarining uzluksizlik, differensiallanuvchanlik, konvekslik, chiziqlilik, spektral xususiyatlar kabi analitik jihatlari o‘rganilib, algoritmlar samaradorligiga ta’siri izohlangan. Didaktik qismda bu murakkab mavzuni o‘qitish metodlari, bosqichli ta’lim modeli va interaktiv yondashuvlar tahlil qilingan.