Bolalar musiqa va san’at maktablarida rubob ijrochiligi ta’limining hozirgi holati va muammolari

Ushbu maqolada bolalar musiqa va san’at maktablarida Rubob ijrochiligi ta’limining hozirgi holati, uning asosiy muammolari va kelgusidagi istiqbollari yoritib berilgan. An’anaviy musiqa ta’limi bugungi kunda bolalar musiqa va san’at maktablarida milliy cholg‘ularni o‘rgatish orqali mamlakatimiz musiqiy-madaniy merosini saqlashga hizmat qilmoqda. Xususan, rubob - ushbu tizimda o‘ziga xos o‘rin egallagan cholg‘u bo‘lib, uning ta’lim jarayoniga integratsiyasi va ijrochiligi bolalar musiqa maktablari faoliyatida muhim ahamiyat kasb etadi. An’anaviy cholg‘u ta’limidagi ustoz-shogird tizimi ham saqlanib kelmoqda. Rubob ijrochiligi ta’limi uchun kelajakda maktab ichidagi an’anaviy ona-maktab shaklidan tashqarida ham rivojlanish imkoniyati mavjud.