Maktabgacha musiqa ta’limida rejalashtirishning diagnostik ahamiyati

Ushbu maqolada maktabgacha ta’lim muassasalarida musiqiy tarbiya jarayonida rejalashtirishning diagnostik ahamiyati va uning bolalar rivojlanishiga ta’siri tahlil qilingan. Zamonaviy pedagogika talablari pedagoglardan har bir bolaning individual xususiyatlarini hisobga olgan holda ta’lim-tarbiya jarayonini tashkil etishni talab qiladi. Tadqiqot natijalari shuni ko‘rsatadiki, muntazam diagnostika va unga asoslangan individual yondashuvli rejalashtirish bolalarning musiqiy qobiliyatlarini samarali rivojlantirishga, ularning musiqa mashg‘ulotlariga qiziqishini oshirishga va umumiy estetik tarbiyasini yaxshilashga yordam beradi. Diagnostik rejalashtirish orqali pedagog har bir bolaning kuchli tomonlarini aniqlaydi, rivojlanishda qolayotgan jihatlarni aniqlaydi va maqsadli pedagogik yordamni ta’minlaydi.