Zarbli cholg‘ular tarixidan

Mazkur maqolada zarbli cholg‘ularning kelib chiqish tarixi, ularning qadimiy madaniyatlarda tutgan o‘rni hamda turli xalqlarda shakllangan an’anaviy zarbli asboblar tahlil qilinadi. Shuningdek, o‘zbek xalqining milliy zarbli cholg‘ulari - doira, nog‘ora, qayroq, chang, dap kabi asboblarning rivojlanish jarayoni va ularning bugungi kunda milliy musiqa san’atida tutgan o‘rni haqida ma’lumotlar beriladi. Tadqiqotda tarixiy manbalar, etnografik kuzatishlar hamda musiqashunoslarning ilmiy izlanishlari asosida zarbli cholg‘ularning shakllanishi va evolyutsiyasi yoritiladi. Zarbli cholg‘ular - insoniyat tarixida ritmga, zarb, ibodat, bayram va madaniy tadbirlarga bog‘liq ravishda shakllangan asboblardir. Musiqashunoslikda ular membranofonlar, idiofonlar, trumpochlarga taalluqli bo‘lib, turli xalqlarda va davrlarda turlicha o‘zgarish va rivojlanish bosqichlaridan o‘tgan.