BMSMda puflama cholg‘ularni o‘qitishning ilmiy-nazariy asoslari

Mazkur annotatsiyada Bolalar musiqa va san’at maktablarida (BMSM) puflama cholg‘ularni o‘qitish jarayonining ilmiy-nazariy asoslari yoritilgan. Puflama cholg‘ular musiqa ta’limi tizimida muhim o‘rin egallab, o‘quvchilarning musiqiy qobiliyatlarini, ijrochilik mahoratini hamda estetik dunyoqarashini shakllantirishda katta ahamiyatga ega. Annotatsiyada puflama cholg‘ularni o‘qitishning pedagogik mohiyati, uning didaktik tamoyillar bilan uzviy bog‘liqligi ochib beriladi. Bu tamoyillar asosida tashkil etilgan mashg‘ulotlar o‘quvchilarning ijrochilik texnikasini bosqichma-bosqich rivojlantirishga, musiqani ongli ravishda idrok etishiga va mustaqil ishlash ko‘nikmalarini shakllantirishga xizmat qiladi.