Natyurmort janri orqali madaniy merosni aks ettirish masalalari

Mazkur maqolada tasviriy san’atning muhim janrlaridan biri bo‘lgan natyurmort janri orqali madaniy merosni aks ettirish masalalari keng qamrovda ilmiy-nazariy va badiiy-estetik jihatdan tahlil qilinadi. Natyurmort asarlarida kundalik hayot buyumlari, milliy an’analar, xalq hunarmandchiligi, urf-odatlar va tarixiy xotiraning ramziy ifodasi yoritiladi. Maqolada natyurmort janrining madaniy xotirani saqlashdagi o‘rni, milliylik va zamonaviylik uyg‘unligi, shuningdek, san’at ta’limida madaniy merosni shakllantirishdagi ahamiyati asoslab beriladi. Tadqiqot natijasida natyurmort janri nafaqat badiiy tasvir vositasi, balki madaniy merosni avloddan avlodga yetkazuvchi muhim ma’naviy manba ekanligi ilmiy jihatdan dalillanadi.