Doira ijrochiligi orqali yoshlarda milliy o‘zlikni anglashni shakllantirish

Ushbu ilmiy maqolada doira ijrochiligining yoshlarda milliy o‘zlikni anglashni shakllantirishdagi pedagogik, madaniy va ma’naviy ahamiyati tahlil qilinadi. Doira o‘zbek milliy musiqa merosining muhim tarkibiy qismi bo‘lib, xalqning tarixiy xotirasi, estetik qarashlari va an’anaviy qadriyatlarini mujassam etadi. Tadqiqotda doira ijrochiligini o‘qitish jarayonida milliy ongni rivojlantirishga xizmat qiluvchi pedagogik metodlar, jumladan, ustoz-shogird an’anasi, folklor namunalaridan foydalanish, ansambl ijrochiligi va sahna faoliyatining o‘rni yoritilgan. Shuningdek, doira orqali yoshlarning musiqiy didi, vatanparvarlik tuyg‘usi va madaniy o‘ziga xoslikni anglash jarayoni ilmiy asosda ko‘rib chiqiladi. Maqolada milliy musiqa ta’limi yosh avlodning ma’naviy kamolotini ta’minlovchi muhim vosita ekanligi asoslab berilgan.