O‘zbekistonda muqobil energetika sektoriga to‘g‘ridan-to‘g‘ri investitsiya kiritishni tezlashtirishda fiskal barqarorlikning roli

Ushbu maqolada O‘zbekistonda qayta tiklanuvchi energiya manbalari sektoriga to‘g‘ridan-to‘g‘ri investitsiyalar oqimini jadallashtirishda fiskal barqarorlikning institutsional va makroiqtisodiy ahamiyati kompleks tahlil qilindi. Tadqiqot doirasida davlat byudjeti muvozanati, fiskal intizom hamda davlat qarzi barqarorligi ko‘rsatkichlarining “yashil” loyihalar uchun investitsiya muhitiga ta’siri baholandi. Empirik va qiyosiy tahlil natijalari shuni ko‘rsatdiki, muqobil energetika loyihalari katta kapital talab qilishi va uzoq muddatli qaytimga egaligi sababli, fiskal barqarorlik investitsion risklarni kamaytirishda asosiy omil hisoblanadi. Olingan xulosalar asosida muqobil energetika sektorida investitsiya faolligini oshirishga qaratilgan fiskal siyosatni takomillashtirish bo‘yicha amaliy tavsiyalar ishlab chiqildi.