Yer ko‘chkilari va ulardan aholi va hududlarni muhofaza qilish

Yer sharining tog‘li, tog‘ oldi, daryo bo‘ylari zonalarida yashaydigan aholi va iqtisodiyot obyektlariga katta xavf tug‘diradigan tabiiy ofatlardan biri yer ko‘chishi-surilmadir. Ilmiy va ilmiy-ommabop adabiyotlarda yer ko‘chishi yer yuzasida bo‘ladigan alohida jarayonlar toifasiga kiritilsa-da, ular yer ichki harakatlari, xususan, zilzilalar bilan uzviy bog‘lik holda rivojlanadi. Yirik ko‘chkilarni mutasaddi tashkilotlar tomonidan tahlil qilib, sabablari o‘rganilganda, ularning aksariyat qismi zilziladan so‘ng yoki zilzila bilan parallel hosil bo‘lishi aniqlangan.