STEM yondashuvi asosida musiqa nazariyasi ta’limini rivojlantirish yo‘llari

Mazkur maqolada STEM (Science, Technology, Engineering, Mathematics) yondashuvi asosida musiqa nazariyasi ta’limini rivojlantirishning pedagogik va metodik imkoniyatlari tahlil qilinadi. Musiqa nazariyasini o‘qitishda fanlararo integratsiya, matematik va fizik qonuniyatlardan foydalanish, zamonaviy axborot-kommunikatsiya texnologiyalarini qo‘llash masalalari yoritiladi. Shuningdek, nazariy bilimlarni amaliy tajriba va loyiha faoliyati bilan uyg‘unlashtirish orqali o‘quvchilarning mantiqiy, tahliliy hamda ijodiy fikrlash ko‘nikmalarini rivojlantirish yo‘llari asoslab beriladi. Tadqiqot natijalari STEM yondashuvi musiqa nazariyasi ta’limining samaradorligini oshirish, o‘quvchilarning musiqiy savodxonligini mustahkamlash hamda ularning ilmiy dunyoqarashini kengaytirishda muhim omil ekanligini ko‘rsatadi.