MEWLIDÊ MELA EHMEDÊ XASÎ DE TESÎRÊ MEWLIDÊ MELA HUSEYNÊ BATEYÎ

Na xebate de Edebiyato Klasîk yê Kurdan de di mewlidê ke bi lehçeyanê kurdkî ra kurmanckî û zazakî de tewr verê nusiyayê, ameyê pêveronayîş. No pêveronayîş de waziyayo ke Melayê Xasî, ke nuştişê mewlidê Melayê Bateyî ra nêzdiyê di sey serrî dima mewlido zazaki yo tewr verên nuşto, nê mewlidî de tesîrê Melayê Bateyî û mewlidê ey esto yan çin o, bêro tesbît kerdene. Na xebate de verê cû derheqê nê di muelifanê erjayeyan û eserê înan ê tewr muhîman, ke mewlid î, bi kilmeyî malumatî ameyê dayene. Dima nê mewlidî bi dore, hetî şeklî ra û hetê muhtewa ra ameyê wekenitiş. Bi no hawa ma kerdo ke her di eseran de hetê ke pêmanenî û hetê ke cêra ciyayî, bêrê tesbît kerdene. Û peynî de ameyo tesbît kerdene ke Mewlidê Mela Ehmedê Xasî de tesîrê mewlidê Mela Huseynê Bateyî esto.