Statûya Zimên û Polîtîkayên Partîyan li Kurdistana Iraqê. Mînakên Guhertoyên Behdînî û Hewramî

Ev xebat statûya du guhertoyên zimanî yên Kurdistana Iraqê dide ber hev: Behdînî û Hewramî. Hikumeta Heremî ya Kurdistanê (HHK) herdu guhertoyan wekî guhertoyên Kurdî dibîne. Lê, herçiqas herdu guhertoyan ji bo perwerdeya bi zimanê zikmakî û naskirina resmî hewl dabin jî, tenê Behdînî karîye mafên zimên bi dest bixe. Ji bo lêkolîna sedemêm muhtemel yên newekhevîya statûya van herdu guhertoyan, vê xebatê polîtîkaya krîtîk ya zimên (critical language policy) û nêrîna dîrokî ya sazûmanî (historical construction approach) bi kar anîne. Vê gotarê ev herdu guherto ji çend alîyan ve dane ber hev: wekî zimannasî, pêvajoya pêşketina dîrokî, kevneşopîya nivîskî, têgihîştin û tevger, mobîlîzasyona etnozimanî, demografî û rewşa sosyo-ekonomîk, û wekî dawî sîyaset û hêza sîyasî ya civatan.