FMIni rivojlantirish, moliyalashtirish modellarini ishlab chiqishni O’zbekiston uchun mahalliylashtirish

Davlat kadastlari, geodeziya va kartografiya milliy markazi tomonidan 2019 yilda “Fazoviy ma'lumotlar milliy infratuzilmasi tо'g'risida”gi О'zbekiston Respublikasi Qonuni loyihasi ishlab chiqildi. Qonun loyihasi respublikada fazoviy ma'lumotlarni yaratish va ulardan foydalanish hamda Fazoviy ma'lumotlar milliy infratuzilmasini yaratish, qо'llab-quvvatlash va rivojlantirish sohasida faoliyat yuritishning huquqiy asoslarini, prinsiplarini va shartlarini belgilaydi. Qonun loyihasi quyidagi asosiy vazifalar amalga oshirilishini nazarda tutadi: birinchidan, “Geodeziya va kartografiya faoliyati tо'g'risida”gi О'zbekiston Respublikasi Qonuniga qо'shimcha ravishda, qonunchilik jarayoni rivojlanishining yangi bosqichi va fazoviy ma'lumotlarni yaratish va ulardan foydalanish sohasidagi faoliyat yuritishda huquqiy, iqtisodiy, boshqaruv va tashkiliy asoslarini yuridik mustahkamlanishining rivojlanishini; ikkinchidan, Fazoviy ma'lumotlar milliy infratuzilmasini yaratish, uning amal qilishi va rivojlantirish sohasidagi faoliyat subyektlari belgilanishini; uchinchidan, Fazoviy ma'lumotlar milliy infratuzilmasini yaratish, uning amal qilishi va rivojlantirish sohasida davlat siyosatining rо'yobga chiqarilishini amalga oshiruvchi organlar va unda ishtirok etuvchi organlar aniq kо'rsatilishini ta'minlaydi.