Noto‘liq oilaning jamiyatdagi o‘rni va psixologik ta’siri

Mazkur maqolada zamonaviy psixologiyada noto‘liq oilalarning jamiyatdagi o‘rni, bolalar rivojlanishiga ta’siri va psixologik oqibatlari o‘rganiladi. Noto‘liq oila - bu farzandlardan biri yoki bir nechtasi ota-onaning faqat bittasi bilan yashaydigan oiladir. Bu holat turli sabablar, jumladan ajrashuv, ota-onalardan birining vafoti yoki nikohsiz tug‘ilgan farzandlar sababli yuzaga keladi. Maqolada asosiy e’tibor bunday oilalarda voyaga yetayotgan bolalarning emotsional holati, shaxsiy rivojlanishi, o‘zini anglash darajasi va ijtimoiy moslashuviga qaratilgan. Psixologik tadqiqotlar, statistik ma’lumotlar va olimlarning qarashlariga ko‘ra noto‘liq oilalarda uchraydigan asosiy muammolar tahlil qilinadi. Shuningdek, psixologik yordam mexanizmlari va ijtimoiy qo‘llab-quvvatlash choralarining ahamiyati ham yoritilgan.