Sinxron va diaxron korpuslarning farqli xususiyatlari

Sinxron hamda diaxron korpuslar tilshunoslikda muhimvazifani bajaradi va ularning tafovutlari tahlil qilishda ahamiyatlidir. Sinxron korpuslar bir vaqt oralig‘ida tilning holatini tadqiq qilishga qaratilgan bo‘lib, aniq bir davrdagi til xususiyatlarini va uning tuzilishini o‘rganadi. Bunday korpuslar ko‘pincha ma’lum bir davrda yozilgan matnlarni o‘z ichiga oladi hamda tilning hozirgi holatini tahlil qilish uchun ishlatiladi. Diaxron korpuslar esa tilning vaqt o‘zgarishini, taraqqiyotini hamda tarixiy jarayonlarini tadqiq qilishga mo‘ljallangan. Ular turli davrlar mobaynida yozilgan matnlarni o‘z ichiga olib, tilning evolyutsiyasini ko‘rsatadi. Sinxron hamda diaxron korpuslarning tafovutlari, shuningdek, ularning maqsadlari, metodologiyalari hamda qo‘llanilish sohalarida ham namoyon bo‘ladi.