INKLYUZIV TA’LIMDA NUTQ MADANIYATI VA MUTOLAA SAN’ATINING O‘QUV QO‘LLANMASINI BRAYL YOZUVIGA MOSLASHTIRISHNING ILMIY-METODIK ASOSLARI

Mazkur maqolada “Nutq madaniyati va mutolaa san'ati” o‘quv qo‘llanmasini Brayl yozuviga moslashtirish jarayoni ilmiy-metodik jihatdan tahlil qilingan. Tadqiqotda ko‘zi ojiz va koʻrish imkoniyati cheklangan shaxslar uchun lingvistik, texnik va pedagogik moslashuvlarning ahamiyati yoritilgan. Xorijiy, MDH va O‘zbekiston tajribalari asosida o‘quv materiallarining Brayl yozuvidagi shaklini yaratishning uslubiy tamoyillari ko‘rib chiqilgan. Eksperimental guruh bilan olib borilgan mashg‘ulotlar natijalari shuni ko‘rsatadiki, Brayl yozuviga moslashtirilgan qo‘llanma o‘quvchilarning lingvistik kompetensiyasini rivojlantirishga, ularning mutolaa madaniyatini oshirishga xizmat qiladi. Shuningdek, maqolada inklyuziv ta'lim jarayonini yaxshilash bo‘yicha metodik takliflar ishlab chiqilgan. Ushbu izlanish mazkur sohada ilmiy-nazariy hamda amaliy asoslarni boyitishga qaratilgan.