Nafasni boshqarishning badiiy va texnik jihatdan uyg‘unlashuvi

Mazkur maqolada vokal ijrochiligining eng muhim omillaridan biri - nafasni boshqarish masalasi badiiy va texnik jihatdan tahlil etiladi. Nafasning fiziologik asoslari, uni ijro jarayonida boshqarish mexanizmlari hamda musiqiy ifoda bilan uyg‘unlikda ishlash uslublari yoritilgan. Shuningdek, vokal texnikasining rivojlanishida diafragmatik nafas, rezonans va emotsional holatning o‘zaro ta’siri o‘rganiladi. Tadqiqot xonandalarning texnik mahoratini oshirish, ijodiy ifoda imkoniyatlarini kengaytirish va vokal pedagogikasini takomillashtirishga qaratilgan. Vokal san’atida tovush sifati, barqarorlik, musiqiy ifoda va emotsional ta’sirchanlikning asosi nafasni to‘g‘ri boshqarish bilan chambarchas bog‘liqligi ko’rsatib berilgan.