O‘zbekiston Respublikasi davlat xaridlari va undagi mavjud moliyaviy risklar

Mazkur maqolada O‘zbekiston Respublikasida davlat xaridlari tizimining huquqiy va tashkiliy asoslari hamda unda yuzaga kelishi mumkin bo‘lgan moliyaviy risklar tahlil qilinadi. Davlat xaridlari mamlakat byudjeti mablag‘larini samarali boshqarish, resurslardan oqilona foydalanish va iqtisodiy taraqqiyotni ta’minlashning muhim vositasi hisoblanadi. Shu bilan birga, xarid jarayonida korrupsiya, shaffoflikning yetarli emasligi, narxlarning sun’iy oshirilishi, shartnomalarning bajarilmasligi kabi bir qator moliyaviy risklar mavjud. Tadqiqotda davlat xaridlarida uchraydigan asosiy risklar turlari tasniflanib, ularning iqtisodiy oqibatlari yoritilgan. Shuningdek, risklarni kamaytirish va samarali boshqarish mexanizmlarini takomillashtirish bo‘yicha ilmiy-amaliy takliflar ishlab chiqilgan. Maqola natijalari davlat xaridlarini yanada shaffof, samarali va adolatli amalga oshirishga qaratilgan nazariy hamda amaliy asos bo‘lib xizmat qiladi.