Insonda stress holatlarini musiqa yordamida yengillashtirish mexanizmlari

Mazkur ilmiy tadqiqot “Insonda stress holatlarini musiqa yordamida yengillashtirish mexanizmlari” mavzusiga bag‘ishlangan. Tadqiqotda stress tushunchasi, uning psixologik va fiziologik mohiyati hamda musiqaning stressni kamaytirishdagi roli nazariy jihatdan tahlil qilinadi. Musiqa yordamida stressni yengillashtirish mexanizmlari - emotsional regulyatsiya, diqqatni boshqarish, motivatsiya va ijtimoiy qo‘llab-quvvatlash - psixologik va kognitiv jarayonlar asosida ko‘rib chiqiladi. Tadqiqot metodologiyasida eksperimental, psixodiagnostik, kuzatuv, taqqoslash va interpretatsiya metodlari o‘rganiladi. Ushbu ish musiqa terapiyasini stressni kamaytirishda ilmiy asoslangan va samarali vosita sifatida tushunishga, shuningdek, amaliy psixologiya va sog‘lomlashtirish jarayonlarida qo‘llash imkoniyatlarini rivojlantirishga xizmat qiladi.