O‘zbek xalq qo‘shiqlarini o‘qitishda interaktiv metodlar samaradorligini oshirishning nazariy asoslari

Mazkur maqolada o‘zbek xalq qo‘shiqlarini o‘qitishda interaktiv metodlar samaradorligini oshirishning nazariy asoslari ilmiy jihatdan tahlil qilinadi. Tadqiqotda xalq qo‘shiqlarining badiiy-estetik, madaniy va tarbiyaviy ahamiyati, ularni zamonaviy ta’lim jarayonida o‘rgatishda interaktiv yondashuvlarning o‘rni ochib beriladi. Interaktiv metodlar - guruhiy ishlar, muhokama, rolli o‘yinlar, loyiha asosida o‘qitish, audio-video tahlil va reflektiv mashg‘ulotlar orqali talabalar faolligini oshirish, ijodiy va musiqiy kompetensiyalarni rivojlantirish imkoniyatlari ko‘rib chiqiladi. Maqolada kompetensiyaga asoslangan ta’lim, integrativ va shaxsga yo‘naltirilgan yondashuvlar xalq qo‘shiqlarini o‘qitish samaradorligini oshirish omili sifatida asoslanadi. Tadqiqot natijalari interaktiv metodlar xalq qo‘shiqlarini chuqur o‘zlashtirish, ularning mazmun-mohiyatini anglash va ijodiy ijro ko‘nikmalarini rivojlantirishda muhim pedagogik vosita ekanini ko‘rsatadi.