O‘SMIRLIK DAVRIDAGI PSIXOLOGIK QARASHLARNING SHAKLLANISHIDA GENDER TAMOYILLARINING MOHIYATI

Ushbu maqolada o‘smirlik davrida gender qarashlarining shakllanishi, gender xoslik va tengdoshlarning o‘zaro ta'siri tahlil qilinadi. O‘smirlik (11-16 yosh) shaxsiyat rivojlanishining muhim bosqichi bo‘lib, bu davrda bolalar jismoniy, psixologik va ijtimoiy jihatdan o‘zgaradi. Tadqiqot natijalari shuni ko‘rsatadiki, gender identitetning asosiy jihatlari – gender o‘zini ifodalash, genderga moslik, gender guruhidan qoniqish, gender me'yorlariga rioya qilish va genderlararo tarafkashlik – o‘smirlik davrida tengdoshlar, oila va jamiyat ta'siri ostida shakllanadi. Tengdoshlar bilan muloqot va ijtimoiy muhit gender normalarini qabul qilish va unga moslashishda muhim rol o‘ynaydi. Shu bilan birga, biologik, ijtimoiy va madaniy omillar gender qarashlarining rivojlanishiga kompleks ta'sir ko‘rsatadi. Maqola gender tengligi va stereotiplarni tushunish bo‘yicha ta'limiy muhitning ahamiyatini ham yoritadi, bu esa o‘smirlarning ijtimoiy va psixologik rivojlanishida muhim omil hisoblanadi.