Teoriya Hînkirin û Bikaranîna Xwendinê Di Kurmancî De

Wekî tê zanîn, li hemû dinyayê mirov hînbûneke sîstematîk û metodolojîk bi saya xwendinê pêk tîne. Li gelek welatên Rojhilata Navîn mixabin asta xwendinê zehf kêm e. Ev rewş li bajarên kurdan jî heman rewş e û li gelek deveran asta xwendinê ji astên gelek welatan kêmtir e. Ji bona xwendinek ku bigihîje armanceke baş divê stratejîyên xwendinê baş bên pêkanîn, xwendineke bi sîstem hebe, û di hinek pêvajoyan de rewşa xwendekaran ast bi ast bê nirxandin. Ji ber ku fakulteyên perwerdehîyê ji bona hînkirina Kurmancî tune ne, pêwîst e sazî bikaribin li ser metodolojîyê bisekinin û krîteran dîyar bikin. Di ser re divê materyalên xwendinê li gorî armancên cûda bên amadekirin û bên adaptekirin.