Letîf Helmet û Şi'îrê Mindalan

Le seretay sedey bîstewe edebî mindallanî kurd le Kurdistanî 'Îraq derkewtûwe û sereta be şî'ri û sirûdî mindallan destî pêkirdûwe. Yekêk lew nawaney destî le pêşxistinî edebî mindallanî kurd da hebûwe be şêwezarî kirmancîy nawerrast le Kurdistanî 'Îraq da, Letîf Hellmetî şa'îr e. Letîf Hellmet wek şa'îr û çîroknûsêkî dîyar le nîwey duwemî heftakanî sedey rabirdûwewe destî dawete nûsîn û wergêrranî şî'ri û çîrok bo mindallan û ta êstaş berdewam e. Eger Zîwer û beşêk le hawrrêkanî rêberayetî edebî mindallanî kurd biken le bîstekanî sedey rabirdûwe we ta kotayî nîwey yekemî sedey rabirdû. Goran û edîbanî diway xoyşî be newey duwemî edebî mindallanî kurd dabnirên, ewa Letîf Hellmet le çaregî kotayî sedey bîstem be nûwêkerewey ziman û form û nawerokî şî'ri û çîrokî mindallan dadenirêt. Ewîş wek zorbey here zorî şa'îranî pêş xoy û hawserdemî xoy sereta be şî'rî gewran destî pêkirdûwe, paşan hatûwete ser biwar û babetî mindallan. Lem lêkollîneweye da hewill dedrêt le ziman û formî ew şa'îre qise bikrêt, herweha peyam û nawerokî têkistekanî bixrête ber bas, herwek ew sîma û regezaney ew şa'îre le şa'îranî ber le xoy cuda dekatewe şîrove bikrêt.