Badiy asar tahlilida e’tiborli jihatlar

G'oyat ko'p o'lchovli murakkab butunlik bo'lmish badiiy adabiyot o'quvchi tomonidan o'qilib, his etilib, anglanib olingandagina ta'sirchan estetik - ma'naviy energiyaga aylanadi. His etilmagan anglanmagan go'zallik ma'naviyatga taʼsir ko'rsata olmaydi. Shuning uchun ham adabiyot o'qitishda badiiy asar tahlili alohida mavqega ahamiyatga egadir. Adabiy ta'lim oldidagi bosh maqsadga erishish uchun filolog mutaxassis badiiy asarni tahlillash yo'llarini puxta egallab olishlari shartdir. Badiiy matn tahlilsiz barkamol shaxs shakllantirilishi amalga oshmaydigan orzudir, xolos. Chinakam badiiy tahlil bo'lmagan joyda badiiy matn o'quvchining tuyg'ulariga ta'sir etmaydi, ma'naviyatining shakllanishiga xizmat qilmaydi.