Бемолли мажор ва минор тоналлигини аниқлашнинг оптимал усуллари ва креативлиги

Илм - фанни ривожлантирмай туриб жамиятни ривожлантириб бўлмайди. Мусиқа оламида ҳам ҳали очилмаган қирралар бир талай. Хусусан, мусиқа назарияси фанида ечилмаган муаммолар сирасига мажор ва минор тоналлигини аниқлаш учун квинта доирасидан фойдаланган ҳолда тоналликни аниқлаш бир неча асрлардан бери ўзгармай бир хил йўл билан ўз муаммосини ечиб келмоқда. Гўёки мусиқада барча аксиомалар ёки теоремалар ўз ечимини топгандек гўё. Ушбу мавзу илм соҳасида янгилиги ва долзарблиги билан қизиқарли бўлиши тайин. Мажор ва минор тоналлигини тез ва равшан қилиб аниқламасдан туриб керакли асарни чалиш ёки уни тушуниш жуда қийиндек, мураккабдек туйилади.