САНЪАТ МУТАХАССИСЛАРИНИ ТАЙЁРЛАШДА ДИРИЖЁРЛИК

Бугун бутун дунёда ёшлар онги ва қалбини эгаллаш учун кураш кетмоқда. Комил инсон тарбияси, ҳалоллик ва адолат билан ҳаёт кечириш каби олижаноб фазилатларнинг маъно-мазмунини нафақат чуқур англаш, балки ана шундай хусусиятларга эга бўлиш, уларга амал қилиб яшаш - одамзотнинг маънавий бойлигини белгилаб берадиган асосий мезондир. Бундай улуғ қадриятларга кундалик ҳаётимизда, ўқув масканларида, ўзаро муомалада, оддий инсоний муносабатларда доимо дуч келамиз. Инсоннинг жамиятда, маҳаллада, оилада ўзини қандай тутиши, туриш-турмуши, сўз ва амаллари кўп нарсадан хабар беради. Шунинг учун ёшлар тарбиясига таъсир этувчи, уни ижобий томонга етакловчи барча воситалардан унумли фойдаланиш ўқитувчи-устозларнинг бирламчи вазифаларидан ҳисобланади. Бу борада классик композиторлар ижоди, асарларидан намуналар тинглаш, ўзлаштириш катта аҳамият касб этади. Бугунги кунда ёш авлодни миллий мафкурамиз руҳида тарбиялаш ҳамда санъат ва бадиий ижод орқали ёшларнинг манъавий дунёсини шакллантириш муҳим вазифалардан бири ҳисобланади.