DUTOR SOZANDASI FAOLIYATINING TARTIBI VA GIGIYENASI

Dutor cholg‘usi sozandalarining yuksak mahoratli ijrochi darajasiga erishishi uchun ba’zan tinimsiz mehnat va iste’dodning o‘zi kamlik qiladi. Bu jarayonda sozanda o‘zida bir nechta ko‘nikmalarni shakllantirishi juda muhim. Bular diqqatni jamlay olish, ma’lum tartibga rioya qilish va shu kabi ko‘nikmalardir. Ushbu ko‘nikmalarni shakllantirish uchun esa sozanda faoliyatini tartibga solishi va bu tartibga doimiy amal qilish kerak. Bundan tashqari sozandalik faoliyatining gigiyenik talablari ham mavjud. Bu talablarning barchasini o‘rganib chiqib, bugungi kunda talabalarga ham o‘rgatmoq kerakki, kelajakda ular ijrochilikda tengi yo‘q bo‘lib yetishsinlar. Ushbu maqolada, yuqorida keltirilgan ma’lumotlar kengroq yoritilgan.