O‘ZBEK AN’ANAVIY MUSIQA IJROCHILIGIGDA O‘ZIGA XOS BEZAKLAR

Har bir xalq o‘z milliy an’ana va qadriyatlari qatori milliy musiqasini qadrlashi, musiqiy merosini sevib, ajdodlari an’anasini ardoqlab, munosib tarzda o‘zlashtirsa san’at rivojiga munosib hissa qo‘shgan sanaladi. Zero, bizgacha yetib kelgan musiqiy an’analar avlodlar zanjirining mustahkamligi belgisidir. Bu borada xalqimizning ma’naviy boyligi hisoblangan maqomlar, maqom yo‘llariga mansub mumtoz musiqa asarlari hozirgacha o‘zining badiiy va estetik imkoniyatlarini yuqori darajada saqlab kelayotganligini ta’kidlab o‘tishimiz o‘rinlidir. Ajdodlarimdan qolgan boy merosni o‘rganish, tadqiq etish va kelajak avlodlarga bezavol tarzda yetkazish bugungi kunning dolzarb masalalardan biri sanaladi.