Sonning butun va kasr qismi qatnashgan masalalarni yechish metodlari

Sonning butun va kasr qismiga oid misollarni hamda ular qatnashgan tenglamalarni yechish usullari maktab matematika kursida, akademik litsey va kasb-hunar kollejlari darslik va o‘quv qo‘llanmalarida yetarli darajada ishlab chiqilmagan. Shuning uchun maqolada mavzu yuzasidan, ya’ni sonning butun va kasr qismiga hamda ular qatnashgan turli tenglamalarni yechish, ularni o‘quvchilarga tushuntirish metodikasini ishlab chiqish maqsad qilingan. Maqolada keltirib o‘tilgan metodik tavsiyalar umumta’lim maktablari, akademik litseylar o‘quvchilarida sonning butun va kasr qismi qatnashgan tenglamalarni ilmiy metodik jihatdan yechish usullarini takomillashtirishning muhim vositasi hisoblanadi. Shu bilan bir qatorda ushbu mavzudan o‘quv dasturlarini takomillashtirishda hamda matematika fanlari bo‘yicha o‘quv qo‘llanma va darsliklar ishlab chiqishda foydalanish mumkin.